ზუსტად ერთი წლის წინ - ლეო მესის ბრწყინვალე ჰეთ თრიქი "ბეტისთან" [VIDEO]
დღეს, 2020 წლის 17 მარტს, ზუსტად ერთი წელი გავიდა მას შემდეგ, რაც "ბარსელონას" ვარსკვლავმა, ლიონელ მესიმ, "ბეტისის" კარში 3 ულამაზესი გოლი გაიტანა.
ერთი წლის წინ, ამ დღეს, ლა ლიგის 28-ე ტურში "ბეტისთან" გასვლაზე ჩატარებული მატჩი, რომელიც "ბარსამ" 4:1 მოიგო, ლეო მესის კარიერაში ერთ-ერთი ყველაზე დასამახსოვრებელი თამაში გამოდგა - მან სევილიელებს 3 ბრწყინვალე გოლი გაუტანა.
არგენტინელმა შემტევმა პირველი გოლი შეხვედრის მე-18 წუთზე გაიტანა, როდესაც საჯარიმოდან ულამაზესი დარტყმით ბურთი პაუ ლოპესისგან მარჯვენა ზედა კუთხეში გაგზავნა. "ლა პულგამ" "ბეტისის" კარი მეორედ პირველი ტაიმის ბოლოს ლუის სუარესის ბრწყინავლე პასის შემდეგ აიღო. განსაკუთრებით სანახაობრივი და ფანტასტიკური ლეოს მესამე გოლი აღმოჩნდა. სწორედ ამ ბურთის შემდეგ "ბენიტო ვილიამარინის" პუბლიკამ ემოციები ვერ დამალა და 32 წლის მსოფლიოს საუკეთესო ფეხბურთელი აპლოდისმენტებით დააჯილოდოვა.
ლეო მესიმ, როგორც ყოველთვის, თამაშის შემდეგ თავმდაბლობა გამოიჩინა და სევილიური კლუბის გულშემატკივრებს მადლობა გადაუხადა. გავიხსენოთ მისი კომენტარი: "სიმართლე გითხრათ, მეტოქის ფანებისგან აპლოდისმენტებით დაჯილდოება არ მახსოვს. ძალიან დიდი მადლობა "ბეტისის" გულშემატკივრებს ასეთი რეაქციისთვის. ისინი ჩვენს მიმართ ყოველთვის კარგად განწყობილნი არიან, როდესაც ამ სტადიონზე ჩამოვდივართ. დიდი მადლობელი და ბედნიერი ვარ მოგებით, რაც ძალიან მნიშვნელოვანი იყო".
მესისგან არაერთი ჰეთ თრიქი გვინახავს და ეს არც უნდა გვიკვირდეს, თუმცა სევილიური საღამო, გოლების სილამაზისა და ეფექტურობის გათვალისწინებით, ნამდვილად განსაკუთრებული იყო. გავიხსენოთ ლეოს 3 შედევრი "ბეტისის" კარში:
"ბენიტო ვილიამარინის" აპლოდისმენტები მესის:
Astonishing sight. After Lionel Messi nets a hat trick and eviscerates their own team, Real Betis fans give him a standing ovation. Messi’s brilliance transcends supporter divides. A divine figure who walks amongst us 🙌 https://t.co/uTEUzwRiIr
— roger bennett (@rogbennett) March 17, 2019
ამ სიახლეზე კომენტარები გათიშულია.
კომენტარები [ 7 ]