"ინტერმა", შესაძლოა, მარტინესის სანაცვლოდ ტრანსფერში არტურის ჩართვა მოითხოვოს
იტალიური მედია ლაუტარო მარტინესის "ბარსელონაში" ტრანსფერზე საუბარს აქტიურად განაგრძობს. Tuttosport-ის ინფორმაციით, "ინტერმა" არგენტინელი ფეხბურთელის სანაცვლოდ, შეიძლება, ტრანსფერში "ბარელონას" ერთი-ერთი მოთამაშის ჩართვა მოითხოვოს.
ანტონიო კონტესთვის რთული იქნება შემტევის გაშვება, თუმცა იტალიელი ბიზნესგარიგებისთვის მზადაა, თუკი "ბარსელონასგან" ნახევარმცველს მიიღებს. აქამდე ყველა ასეთ ნახევარმცველად არტურო ვიდალს მოიაზრებდა. თუმცა, როგორც ჩანს, კონტეს "ინტერისთვის" უფრო ახალგაზრდა ფეხბურთელი სჭირდება - ასეთი კი არტურ მელოა.
იმის გათვალისწინებით, რომ იტალიური კლუბი ლაუტარო მარტინესში 150 მილიონ ევროს ითხოვს, "ბარსელონა", სავარაუდოდ, ტრანსფერში ფეხბურთელების ჩართვას დასთანხმდება.
არტური "ბარსელონამ" ორი წლის წინ "გრემიოდან" 31 მილიონ ევროდ შეიძინა. "კამპ ნოუზე" გამოჩენის შემდეგ არტურმა "ბარსელონას" ქომაგთა მოწონება და მხარდაჭერა მოიპოვა.
ამ სიახლეზე კომენტარები გათიშულია.
კომენტარები [ 4 ]