ტოპ 5 კლუბი, რომელთა კარშიც მესის ყველაზე მეტჯერ გაუტანია

კატალონიის "ბარსელონას" არგენტინელ კაპიტანსა და ლიდერს, ლეო მესის აქტივში ამჟამად 703 გოლი აქვს.

"ლა პულგას" ყველაზე მეტჯერ "სევილიას" კარის ბადე შეურხევია, კერძოდ, 37-ჯერ. ამის შესახებ ერთხელ ანდალუსიელთა ყოფილმა მთავარმა მწვრთნელმა, პაბლო მაჩინმა ხუმრობით აღნიშნა, რომ არ ესმის, რას ერჩის ლეო მის კლუბს.

გთავაზობთ ტოპ 5 გუნდს, რომელთა კარშიც ლიონელ მესის ყველაზე მეტი გოლი აქვს გატანილი:

1. "სევილია" - 37
2. "ატლეტიკო" - 31
3. "ვალენსია" - 28
4. "რეალი" - 27
5. "ესპანიოლი" - 25

პრიმერა დივიზიონის მიმდინარე სეზონში მესის ანგარიშზე 19 გოლია, თუმცა კორონავირუსის გამო ლა ლიგის წლევანდელი გათამაშება დროებით შეჩერებულია.