"ბარსელონას" ახალი მარცხენა მცველის პოვნა "ბარსა ბ-ში" შეუძლია

"ბარსელონას" ახალი მარცხენა მცველის პოვნა "ბარსა ბ-ში" შეუძლია

"ბარსელონას" რომ დაცვის მარცხენა ფლანგზე პრობლემები აქვს, ყველასთვის ცნობილია. ჟორდი ალბას, რაც არ უნდა სამწუხარო იყოს, ასაკი ემატება, ხოლო "ბეტისიდან" წელს გადმოსული ჟუნიორ ფირპოს თამაშის ხარისხი ნათელი მომავლის იმედს არ ტოვებს. რა შეუძლია კლუბს გააკეთოს შექმნილ ვითარებაში?

გუშინ Mundo Deportivo-მ იუწყა, რომ "ბარსელონას" სპორტული დირექტორის მოადგილე, რამონ პლანესი, "ლაიფციგის" 23 წლის მარცხენა მცველის, ხოსე ანხელინოს თამაშს ტრიბუნიდან ადევნებდა თვალს. იგი "მანჩესტერ სიტის" ეკუთვნის და მიმდინარე სეზონს გერმანულ გუნდში იჯარის წესით ატარებს. აგრეთვე, ზაფხულში კლუბს გელზენკირხერნის "შალკეში" განათხოვრებული ჟუან მირანდა დაუბრუნდება. ჯერ-ჯერობით, მის იჯარას სასურველი შედეგები ვერ მოაქვს. მის ანგარიშზე მხოლოდ 5 ჩატარებული შეხვედრაა.

მდგომარეობის შეცვლა შეუძლია "ბარსა ბ-ში" მოასპარეზე სერხიო აკიემეს. 22 წლის ფეხბურთელი, რომელიც კლუბმა გასულ ზაფხულში "რაიო ვალეკანოდან" შეიძინა, ბრწყინვალე სეზონს ატარებს. იგი აქტიურად ერთვება შეტევებში და ძლიერი და ზუსტი დარტყმით გამოირჩევა. აკიემე "ბარსა ბ-ს" უცვლელი წევრია და 24 შეხვედრაში გაკეთებული 5 საგოლე პასით ეხმარება გუნდს, დაბრუნდეს სეგუნდა დივიზიონში.

ასევე, უნდა ვახსენოთ ლა მასიას აღსაზრდელი, 16 წლის, ალექს ბალდე, რომელიც "ბლაუგრანას" 19-წლამდელთა გუნდში ასპარეზობს. იგი, აკიემესთან შედარებით, ნაკლები ფიზიკური მონაცემებით, თუმცა მეტი ტექნიკურობით გამოირჩევა.

ბოლო დროს, "ბარსელონა" ძირითად გუნდში ახალი ფეხბურთელის დამატებისას აქცენტს სხვა კლუბიდან ტრანსფერზე აკეთებს და "ბარსა ბ-დან" დაწინაურებული ახალგაზრდები, როგორც წესი, კარიერას რომელიმე საშუალო დონის ევროპულ გუნდში აგრძელებენ. ვიმედოვნოთ, რომ აღნიშნული ტენდენცია შეიცვლება და ლა მასია კვლავ გახდება კლუბის წარმატების ერთ-ერთი მთავარი შემოქმედი.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 5 ]

    • ქართული კლავიატურა
      • barca-1barca-2barca-3barca-4barca-5barca-6barca-7
        bowtiesmilelaughingblushsmileyrelaxedsmirk
        heart_eyeskissing_heartkissing_closed_eyesflushedrelievedsatisfiedgrin
        winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
        worriedfrowninganguishedopen_mouthgrimacingconfusedhushed
        expressionlessunamusedsweat_smilesweatdisappointed_relievedwearypensive
        disappointedconfoundedfearfulcold_sweatperseverecrysob
        joyastonishedscreamtired_faceangryragetriumph
        sleepyyummasksunglassesdizzy_faceimpsmiling_imp
        neutral_faceno_mouthinnocent

    კომენტარის დამატებისას თქვენ ავტომატურად ეთანხმებით საიტის წესებს

    ადმინისტრაციასთან საკონტაქტოდ კომენატრებს ნუ გამოიყენებთ. ამისთვის არსებობს კონტაქტის გვერდი


    წევრი [?]
    13 მარტი 2020 16:07
    2
    კუკურელია გაყიდეს და ფირპო იყიდეს აბა ამათ რა უნდა ელაპარაკო
    გულშემატკივარი [?]
    13 მარტი 2020 15:57
    1
    ტალიაფიკოზე რა აზრის ხართ?
    --------------------
    "მეტი, ვიდრე კლუბი!"
    გულშემატკივარი [?]
    13 მარტი 2020 15:19
    5
    რა ბარსა ბ ბიჭო, კუკურელია დაიბრუნეთ... მაგაზე უკეთესი ამ წამს ვინ გყავთ?
    [?]
    13 მარტი 2020 15:15
    1
    რაღა ეხლა მოგინდათ ახალგაზრდები როცა რეალურად არავინ გვყავს წესიერი. გრიმალდო და კუკურელია გაუშვეს და ეხლა მოუნდათ ახალგაზრდების დაფასება.. რაის აკიემე სეგუნდა ბ ში საშუალოდ მოთამაშე ფეხბურთელი რითი დაგვეხმარება, მინახავს მაგის თამაში და მოსიარულე კურიოზია. ლა ლიგაშიც ვნახე მაგის დებიუტი ვალეკანოში და დამიჯერეთ ცაცია დუგლასია. ჯერ ჯერობით მაინც. მოგვიწევს ვინმეს ყიდვა. გრიმალდო თU არა გაია მაინც დავითრიოთ ალბა როცა წავა. ფირპო კი გაიყიდება 25 ად. კუკუ დავაბრუნოთ და ჯერ ალბას კონკურენტი იყოს და ალბა რო წავა ერთი ტრანსფერი დადონ. სხვა გზას ვერ ვხედავ
    წევრი [?]
    13 მარტი 2020 15:15
    5
    კუკურელია დააბრუნეეთ🤦‍♂️🤦‍♂️ტიპი დაფრინავს ხეტაფეშიიი