Cadena Ser: ანსუ ფატი ესპანეთის ნაკრების გაფართოებულ განაცხადშია
ესპანეთის ეროვნული ნაკრების მთავარი მწვრთნელი, ლუის ენრიკე, მარტის ბოლოს, გერმანიისა და ნიდერლანდების წინააღმდეგ გასამართი ამხანაგური შეხვედრებისთვის, "ბარსელონას" შემტევს, ანსუ ფატის გამოიძახებს. ინფორმაციას Cadena Ser ავრცელებს.
გამოცემის თანახმად, ფატი ერთ-ერთი იქნება იმ ახალგაზრდა ფეხბურთელებს შორის, რომელთაც ეროვნულ ნაკრებში თავის გამოჩენის შანსი მიეცემათ. საუბარია, აგრეთვე, ლა მასიას აღზრდილ ადამა ტრაორესა და "რეალ სოსიედადის" ნახევარმცველ მიკელ მერინოზე. სრული შემადგენლობა ოფიციალურად 20 მარტს გამოქვეყნდება.
ესპანეთის ნაკრები გერმანიას 26 მარტს, "ვანდა მეტროპოლიტანოზე" უმასპინძლებს, ხოლო სამი დღის შემდეგ, ამსტერდამში, ნიდერლანდებს დაუპირისპირდება.
17 წლის ფეხბურთელის დებიუტი 21-წლამდელელთა ნაკრებში გასული წლის ოქტომბერში, მონტენეგროს წინააღმდეგ, შედგა. მას ეროვნულ გუნდში შეხვედრა ჯერ-ჯერობით არ ჩაუტარებია.
ამ სიახლეზე კომენტარები გათიშულია.
კომენტარები [ 3 ]