დისკვალიფიცირებული ლანგლე და ტრავმირებული უმტიტი - არაუხოს შანსი
Mundo Deportivo-ს აზრით, იმ შემთხვევაში, თუ სამუელ უმტიტი ტრავმისგან სრულყოფილად ვერ გამოჯანმრთელდება, კიკე სეტიენი დაცვის ხაზში რონალდ არაუხოს აირჩევს.
უმტიტიმ კვირის ვარჯიში გამოტოვა, რაც ფრანგის ჯანმრთელობის მდგომარეობის შესახებ ეჭვს ბადებს.
რაც შეეხება კლემან ლანგლეს, "სოისიედადთან" მატჩში მიღებული ყვითელი ბარათის გამო (ჯამში 5) იგი "მალიორკას" წინააღმდეგ ვერ ითამაშებს.
დაცვის ხაზში არსებული საკადრო პრობლემების ფონზე, კიკე სეტიენისთვის რონალდ არაუხო საუკეთესო არჩევანი იქნება ჟერარ პიკესთან შესაწყვილებლად.
სეტიენმა 20 წლის ფეხბურთელი კვირის სავარჯიშო სესიაზე გამოიძახა. მიმდინარე სეზონში არაუხომ "ბარსელონას" მაისურით მხოლოდ ერთი მატჩი ჩაატარა. არაუხოსთვის დებიუტი ისეთი წარმატებული არ გამოდგა, როგორც თავად ელოდა. მოედანზე შემოსვლიდან 14 წუთში მან წითელი ბარათი მიიღო.
ამ სიახლეზე კომენტარები გათიშულია.
კომენტარები [ 9 ]