კიკე სეტიენი "სოსიედადთან" მატჩის შემდეგ
"ბარსელონას" მთავარმა მწვრთნელმა, კიკე სეტიენმა, "რეალ სოსიედადთან" მატჩი (1-0) ჟურნალისტებთან შეაფასა.
"თუ არ ვცდები, მათ ზედიზედ 6 მატჩი ჰქონდათ მოგებული, მათ შორის, "რეალთან", "სანტიაგო ბერნაბეუზე". ვიცოდით, რომ რთული თამაში იქნებოდა.
"სოსიედადი" ბურთით კარგად მუშაობს. მათ პრესინგის დაძლევა ადვილად შეუძლიათ და შემდეგ თამაშის გასაგრძელებლად შეტევაში უმაღლესი დონის ფეხბურთელები ჰყავთ.
თუმცა, ბურთს ძირითადად ჩვენ ვაკონტროლებდით და ძალიან ბევრი სახიფათო მომენტი შევქმენით.
პენალტის ეპიზოდი კარგად ვერ დავინახე. ყველაფერი სწრაფად მოხდა, ჩემი პოზიციიდან კი მოქმედება არ ჩანდა.
"რეალთან" წაგება მტკივნეული იყო, მაგრამ ახლა გუნდი ფსიქოლოგიურად კარგ მდგომარეობაშია და ძლიერია.
ამ ტურში ჩვენ ძლიერი მეტოქის დამარცხება მოვახერხეთ, ახლა კი მადრიდელების ჯერია, რომლებსაც სევილიაში რთული გამოცდა ელით". - განაცხადა სეტიენმა.
ამ სიახლეზე კომენტარები გათიშულია.
კომენტარები [ 5 ]