რამდენად განსხვავდებოდა გვარდიოლასა და ვალვერდეს "ბარსას" თამაშის სტილი?

მიუხედავად იმისა, რომ ერნესტო ვალვერდე "ბარსელონას" მთავარი მწვრთნელი უკვე 2 თვეა აღარაა, გულშემატკივრები 56 წლის სპეციალისტს მაინც ხშირად იხსენებენ, ამის საბაბს კი მათ კიკე სეტიენის გუნდის მიერ ნაჩვენები თამაში და შედეგები აძლევს.

2.5 წლის განმავლობაში, თუ 2 თამაშს არ ჩავთვლით, ვალვერდეს შედეგები ნამდვილად არ დაეწუნებოდა. ესპანელ სპეციალისტს არც გუნდში სიტუაციის კონტროლის პრობლემა ჰქონდა. მთავარი საკითხი, რომლის გამოც ერნესტოს ხშირად აკრიტიკებდნენ, მისი გუნდის თამაშის სტილი იყო. თამაშის ეტალონად კი, "ბლაუგრანას" გულშემატკივრები (და არა მარტო), პეპ გვარდიოლას "ბარსელონას" მივიჩნევთ.

თუმცა, იყო კი დიდი განსხვავება გვარდიოლასა და ვალვერდეს გუნდებს შორის თამაშის სტილში?

Marca-ს ცნობით, ალარკონის პოსუელოს ბიომედიცინის ცენტრის ბიოლოგიური ქსელის ლაბორატორიაში ჩატარდა კვლევა, რომელიც ამ საკითხს ეხებოდა. გთავაზობთ კვლევის შედეგებს.

ამ სურათზე თქვენ ხედავთ 2009/10 წლების სეზონში, "რეალთან" მატჩში "ბარსელონას" ფეხბურთელების განლაგებასა და მათ შორის გაკეთებულ გადაცემებს.

ამ სურათზე კი ხედავთ 2017/18 წლების სეზონში, მადრიდის "ატლეტიკოსთან" მატჩში "ბარსელონას" ფეხბურთელების განლაგებასა და მათ შორის გაკეთებულ გადაცემებს. როგორც ხედავთ, განლაგება თითქმის იდენტურია, თუმცა, ვალვერდეს გუნდის შემთხვევაში, მეკარეზე მეტი დატვირთვა მოდის, გუნდს კი უფრო მეტი პასის გაკეთება უწევს.

კვლევის კიდევ ერთი მიმართულება გვარდიოლასა და ვალვერდეს გუნდების როგორც მეტოქეებთან, ასევე ერთმანეთთან შედარება იყო, ამისთვის კი 6 საზომი გამოიყენეს.

ამ სურათზე თქვენ ხედავთ გვარდიოლას "ბარსელონასა" და მეტოქეების სტატისტიკას.

ამ სურათზე თქვენ ხედავთ ვალვერდეს "ბარსელონასა" და მეტოქეების სტატისტიკას.

ამ სურათზე კი ხედავთ გვარდიოლასა და ვალვერდეს გუნდების შედარებას.

რა დასკვნა შეგვიძლია გამოვიტანოთ ამ კვლევიდან? ეს ყველა გულშემატკივრის ინდივიდუალური დასკვნის საკითხია, ჩვენ კი ასე ვიტყვით: გვარდიოლას მიბაძვა შესაძლებელია, მისი გამეორება კი - შეუძლებელი.