FIFA ესპანეთში სატრანსფერო წესების შეცვლას ითხოვს
Marca-ს მიერ გავრცელებული ინფორმაციის თანახმად, FIFA-მ ესპანეთის ფეხბურთის ფედერაციას (RFEF) სატრანსფერო წესების შეცვლის მოთხოვნით მიმართა.
მადრიდული წყაროს ცნობით, ფეხბურთის საერთაშორისო ფედერაცია (FIFA) იმ წესის გაუქმებას ითხოვს, რომელიც ესპანურ კლუბებს სატრანსფერო ფანჯრის მიღმა ტრანსფერების განხორციელების საშუალებას აძლევს.
FIFA-ს ეს მოთხოვნა "ბარსელონაში" მარტინ ბრეითუეიტის 20 თებერვალს შემდგარ ტრანსფერს უკავშირდება. ესპანეთის პროფესიონალურმა ლიგამ კატალონიურ კლუბს, უსმან დემბელეს რთული ტრავმის გამო, ტრანსფერის განხორციელების ნება დართო. საპირისპიროდ "ლეგანესს", რომელიც ჩემპიონატში დარჩენისთვის იბრძვის, წამყვანი ფეხბურთელის შემცვლელის შეძენის უფლება არ მისცეს, რამაც მადრიდელების უკმაყოფილება გამოიწვია.
ფეხბურთის საერთაშორისო ფედერაცია ამ წესის გაუქმებას მიმდინარე სეზონის ბოლოსთვის ითხოვს.
ამ სიახლეზე კომენტარები გათიშულია.
კომენტარები [ 4 ]