კიკე სეტიენს კოუტინიოს დაბრუნება და დემბელეს გაშვება უნდა
"ბარსელონას" საკუთრებაში მყოფი ბრაზილიელი შემტევი ფილიპე კოუტინიო, რომელიც ამჟამად მიუნხენის "ბაიერნში" იჯარით იმყოფება, შესაძლოა, კატალონიურ გრანდში დაბრუნდეს, ფრანგმა თავდამსხმელმა უსმან დემბელემ კი - კლუბი დატოვოს.
Ok Diario-ს ჟურნალისტის, ედუარდო ინდას ინფორმაციით, "ბარსელონას" მთავარ მწვრთნელს, კიკე სეტიენს ფილიპე კოუტინიოს დაბრუნება სურს. 61 წლის სპეციალისტი კატალონიურ კლუბში დემბელეს მომავალს ვერ ხედავს, ამიტომ მას უნდა, 22 წლის ფეხბურთელმა გუნდი მომავალ სეზონში დატოვოს.
კოუტინიო "ბაიერნში" უკეთ თამაშობს, მაგრამ ის ძველებურად მაინც ვერ ათამაშდა. 27 წლის ნახევარმცველმა გერმანიის ჩემპიონატის მიმდინარე გათამაშებაში 20 მატჩი ჩაატარა, 6 გოლი გაიტანა და 6 შედეგიანი გადაცემა გააკეთა.
რაც შეეხება დემბელეს, მას ტრავმები, როგორც ყოველთვის, კვლავ თავს ახსენებს. ის ახლაც სერიოზულ დაზიანებას მკურნალობს და რამდენიმე თვე მოედანზე ვერ გავა.
ამ სიახლეზე კომენტარები გათიშულია.
კომენტარები [ 13 ]