ენდრიუ რობერტსონი: მესისთან ინციდენტს ძალიან ვნანობ
"ლივერპულის" მარცხენა მცველმა, ენდრიუ რობერტსონმა გასულ სეზონში, ჩემპიონთა ლიგის 1/2-ფინალში მომხდარი ინციდენტი გაიხსენა, როდესაც მან "ბარსელონას" კაპიტანს, ლიონელ მესის თავში ხელი ჩაარტყა.
"როცა წარსულს ვიხსენებ, არაფერს ვნანობ, რადგან ვფიქრობ, რომ ის გამოცდილება, რაც გაქვს, გაყალიბებს ადამიანად, რომელიც ახლა ხარ. თუმცა, იმ მომენტს სინანულით ვიხსენებ. ამ ეპიზოდის ყურება არ მომწონს. მატჩის შემდეგ, როცა ვიდეო ვნახე, გაწბილებული დავრჩი."
"ამ დღეს ისეთი დამოკიდებულება გვქონდა, რომ ფინალში აუცილებლად უნდა გავსულიყავით. ამაში ხელს ვერავინ შეგვიშლიდა. სტადიონზეც ასეთი ატმოსფერო შევქმენით. მე და ფაბინიო მესის მივსდევდით, ფეხები ერთმანეთში აგვეხლართა და წავიქეცით. შემდეგ კი ეს გავუკეთე ისტორიაში საუკეთესო ფეხბურთელს..."
"მესის და "ბარსელონას" პატივს ვცემ, მაგრამ ორ მატჩიან დაპირისპირებაში 0-3 ვაგებდით, ჩვენ სასწაული გვჭირდებოდა და თუ ჩემმა ქმედებამ მსოფლიოს საუკეთესო მოთამაშეს მისი სრული პოტენციალის გამოვლენაში ხელი შეუშალა... მაგრამ ამას ვნანობ. ასეთი ადამიანი არ ვარ. თუმცა, იმ ღამეს ბევრი ისეთი რამ მოხდა, რაც არ მახსოვს. ამ მომენტებში ფიქრის დრო არ იყო."
"მატჩში ყველანი ჩართულები ვიყავით. ფანებიც ყვიროდნენ და ამან ამიყოლია. ბოლოს და ბოლოს, ჩვენც ადამიანები ვართ. მატჩის წინ, ასეთ ხმაურიან გასახდელში არასდროს ვყოფილვარ. ყველანი მონდომებულები ვიყავით. შესაძლოა, ზედმეტი მომივიდა." - ციტირებს რობერტსონის სიტყვებს Goal.
იხილეთ ინციდენტის ვიდეო:
Bon Mesye m vle nou vinn rakonte m nou pale e nou konprann lè yo fè jés
— Don Fred St Lot (@DONFREDSTLOT) January 5, 2020
Lionel Messi vs ROBERTSON 😢 pic.twitter.com/SMNzdyOyB3
ამ სიახლეზე კომენტარები გათიშულია.
კომენტარები [ 22 ]