მესის პოკერი: "ბარსამ" "ეიბარი" 5-0 გაანადგურა და პირველ ადგილზე გადაინაცვლა
ჩემპიონთა ლიგის პირველი მერვედფინალური მატჩს, "ბარსელონა" შესანიშნავ განწყობაზე შეხვდება - კატალონიელებმა ლა ლიგის 25-ე ტურში "ეიბარი" გამანადგურებელი სხვაობით, 5-0 დაამარცხეს.
ლიონელ მესიმ, რომელსაც აქამდე კარიერის ერთ-ერთი ყველაზე ხანგრძლივი უგოლო სერია ჰქონდა, პოკერის შესრულება შეძლო. პირველ ტაიმში მან სამი გოლი გაიტანა, მეორეს ბოლოს კი კიდევ ერთი დაამატა. საბოლოო ანგარიში 89-ე წუთზე არტურმა დააფიქსირა.
შეხვედრაში შედგა მარტინ ბრეითუეიტის დებიუტი, რომელიც მოედანზე მატჩის დასრულებამდე დაახლოებით 20 წუთით ადრე გავიდა.
"ბარსელონამ" 55 ქულა დააგროვა, მადრიდის "რეალს" კი, რომელმაც ამ ტურში "ბარსას" მატჩის შემდეგ ითამაშა, 53 აქვს. ზინედინ ზიდანის გუნდი "ლევანტესთან" 0-1 დამარცხდა.
კატალონიელები მომდევნო შეხვედრას "ნაპოლისთან" გამართავენ. კიკე სეტიენის გუნდი მეტოქეს სტუმრად, 25 თებერვალს დაუპირისპირდება.
ამ სიახლეზე კომენტარები გათიშულია.
კომენტარები [ 11 ]