ბრეითუეიტის შედეგი, რომელიც ოპტიმიზმის საფუძველს იძლევა
გუშინ ოფიციალურად დადასტურდა, რომ 28 წლსი დანიელი თავდამსხმელი მარტინ ბრეითუეიტი "ბარსელონაში" ითამაშებს.
ჯერჯერობით შეუძლებელია იმის თქმა, რამდენად გაამართლებს "ლეგანესიდან" გადმოყვანილი ფეხბურთელის ტრანსფერი, მაგრამ ერთი სტატისტიკური მონაცემი ოპტიმიზმის საფუძველს ნამდვილად იძლევა.
უკვე დიდი ხანია, "ბარსელონას" სტუმრად თამაში ძალიან უჭირს. ბრეითუეიტი კი ის ფეხბურთელია, რომელიც მეტოქის მოედანზე უფრო შედეგიანია, ვიდრე საკუთარზე. "ლეგანესში" გატარებული ერთი წლის განმავლობაში, დანიელმა 13 გოლი გაიატანა, აქედან ნახევარზე მეტი, 8 გოლი სტუმრად გამართულ შეხვედრებზე მოდის.
გასათვალისწინებელია ისიც, რომ 28 წლის შემტევი ძლიერ გუნდებთან გატანითაც გამოირჩევა. ამ ერთი წლის განმავლობაში, მან "ბარსელონასაც" გაუტანა და "რეალსაც". "ლეგანესის" დონის გუნდებიდან ასეთი შედეგით ბევრი ფეხბურთელი ნამდვილად ვერ დაიკვეხნის.
ამ სიახლეზე კომენტარები გათიშულია.
კომენტარები [ 15 ]