"სანტოსი" "ბარსელონასგან" 4.5 მილიონ ევროს ითხოვს

"სანტოსი" ნეიმარის ტრანსფერისთვის "ბლაუგრანასგან" დამატებით 4.5 მილიონ ევროს ითხოვს.

ნეიმარი ბრაზილიური კლუბიდან "ბარსელონაში" 2013 წელს გადმოვიდა. მას შემდეგ, კლუბებს შორის, ტრანსფერის რეალურ ღირებულებაზე, მრავალი უთანხმოება იყო.

El Mundo-ს ცნობით, "სანტოსმა" "ბარსელონას" ფაქსით შეტყობინება გაუგზავნა, რომელშიც კატალონიელებს 4.5 მილიონი ევროს გადახდას სთხოვდა.

საქმე ეხება გარიგების ერთ პუნქტის, რომლის თანახმადაც, "ბარსელონა" ვალდებული იყო "სანტოსთან" 2 ამხანაგური თამაში ჩაეტარებინა. კატალონიურმა კლუბმა მხოლოდ ერთი ასეთი შეხვედრის ჩატარება მოახერხა, ხოლო მეორეს სანაცვლოდ, სანტოსი 4.5 მილიონს ითხოვს.