ლიუის ჰემილტონი: მესის ფანი ვარ
თანამედროვეობის საუკეთესო ავტომრბოლელი ლიუის ჰემილტონი მსოფლიოს საუკეთესო ფეხბურთელზე, ლიონელ მესიზე საუბრობს.
რამდენიმე დღის წინ, ჰემილტონი და მესი Laureus-ის ჯილდოს მფლობელები გახდნენ. ჰემილტონი ფორმულა ერთის მე-3 წარმომადგენელია, რომელიც Laureus-ის წლის საუკეთესო სპორტსმენად დასახელდა, ლეო მესი კი გუნდური სახეობების პირველი წარმომადგენელია, რომელსაც წილად ეს პატივი ხვდა.
მსოფლიოს 6-გზის ჩემპიონმა "ოქროს ბურთის" 6-გზის გამარჯვებულზე კომენტარი გააკეთა.
"ამ ჯილდოს მესისთან ერთად გაყოფა განსაკუთრებულია. მას დაუჯერებელი კარიერა ჰქონდა. მისი ფანი ვარ.
მინდოდა, ის დღეს მენახა, რადგან მას არასდროს შევხვედრივარ. როდესაც მესის პირველად შევხვდები, ვთხოვ, რომ ერთად ფოტო გადავიღოთ." - განაცხადა ლიუის ჰემილტონმა ბერლინში გამართული დაჯილდოების დროს.
თავად მესი დაჯილდოებას ვერ დაესწრო და მან ცერემონიის დამსწრეებს ვიდეომიმართვა გაუგზავნა.
ამ სიახლეზე კომენტარები გათიშულია.
კომენტარები [ 8 ]