ტერ შტეგენის მორიგი დაუჯერებელი მიღწევა
"ბარსელონას" მეკარემ, მარკ-ანდრე ტერ შტეგენმა, "ხეტაფესთან" მოგებაში (2-1) ძალიან დიდი როლი ითამაშა. გარდა იმისა, რომ კარის ხაზზე საიმედო იყო, გერმანელი ფეხბურთელი გუნდის შეტევებში ისე იყო ჩართული, როგორც არასდროს.
Opta-ს ინფორმაციით, გუშინდელ მატჩში, ტერ შტეგენმა 69 პასი გააკეთა, რაც 2005/06 წლების სეზონიდან მოყოლებული, ლა ლიგაში მოთამაშე მეკარეების რეკორდია. მანამდე მსგავს ინფორმაციას არ ითვლიდნენ და არ ვიცით, ოდესმე უჯობნია თუ არა ვინმეს ტერ შტეგენისთვის.
69 გადაცემიდან 55 ზუსტი გამოდგა, 21 გრძელი პასიდან კი ადრესატამდე ცხრამ მიაღწია.
აღსანიშნავია, რომ "ხეტაფეს" მხრიდან ყველაზე მეტი პასის ავტორმა, დაკონამმა მხოლოდ 26 გადაცემა გააკეთა. მადრიდელთა მხრიდან ამ მაჩვენებლით 3 საუკეთესო ფეხბურთელს, ერთად, ტერ შტეგენზე სამით მეტი, 72 გადაცემა ჰქონდათ.
ამ სიახლეზე კომენტარები გათიშულია.
კომენტარები [ 10 ]