უსმან დემბელე თვლის, რომ "ბარსელონას" ვალი აქვს
ავტორიტეტული ფრანგული გამოცემის, L'Equipe-ს მიერ გავრცელებული ინფორმაციით, "ბარსელონას" ახალგაზრდა შემტევი უსმან დემბელე თვლის, რომ ის კატალონიურ გუნდთან და მის გულშემატკივრებთან ვალშია.
გუშინ, დემბელეს ოპერაცია ჩაუტარდა, რის შემდეგაც გაირკვა, რომ მას 6 თვით უქმობა მოუწევს. L'Equipe-ს ცნობით, ოპერაციის დასრულებიდან მალევე, უსმანს კლუბის პრეზიდენტმა, ჟოზეპ მარია ბართომეუმ დაურეკა და უთხრა, რომ "ბარსა" მას კვლავ ენდობა და მომავალი სეზონისთვის ფეხბურთელზე იმედებს ამყარებს.
იმავე წყაროს ცნობით, დემბელე ფიქრობს, რომ ის "ბარსელონასა" და მისი გულშემატკივრების წინაშე ვალშია. მას წარმატების მხოლოდ კატალონიურ კლუბში მიღწევა სურს და ამ დამოკიდებულებას ვერაფერი შეცვლის. 22 წლის ფეხბურთელი იმედგაცრუებულია იმით, რომ მან, "ბლაუგრანას" მაისურით, მონაწილეობა თამაშების მხოლოდ ნახევარში მიიღო.
ამ სიახლეზე კომენტარები გათიშულია.
კომენტარები [ 18 ]