ფრენკი დე იონგი: არ მინდა კრიტიკული ვიყო, მაგრამ ბილბაოში და აქაც პენალტი გვეკუთვნოდა
"ბეტისთან" გამართულ შეხვედრაში ფრენკი დე იონგი ერთ-ერთი გამორჩეული მოთამაშე იყო. მან ლიონელ მესის საგოლე გადაცემის შედეგად მატჩის მე-9 წუთზე ანგარიშის გათანაბრება შეძლო.
ჰოლანდიელმა უკმაყოფილება გამოთქვა ლიონელ მესის წინააღმდეგ თამაშის ბოლო წუთზე არდანიშნულ თერთმეტმეტრიანზე და საკუთარი საკამათო მომენტიც გაიხსენა ბილბაოში.
"ბილბაოში, "ატლეტიკის" წინააღმდეგ, პენალტი აუცილებლად უნდა დანიშნულიყო, რადგან მიბიძგეს, ხელი მკრეს. დღეს კი თერთმეტმეტრიანი მესისთვის უნდა მიეცათ. არ მსურს გავაკრიტიკო მსაჯები. ეს ის არის, რასაც ვფიქრობ."
"ყოველ დღე ვვითარდები, თუმცა სრულად ადაპტირებული ჯერ კიდევ არ ვარ. ვფიქრობ, უკეთესად ვითამაშე, ვიდრე წინა კვირას.
ეს მნიშვნელოვანი გამარჯვება იყო, რადგან სამი ქულა მოვიპოვეთ. "რეალთან" ჯერ კიდევ ახლოს ვართ. მესის გვერდით თამაში იოლია. მასთან განსაკუთრებული კავშირი არ მაქვს. უბრალოდ, ეძებეთ სივრცე და ის თავად გიპოვით." - ციტირებს Marca.
ამ სიახლეზე კომენტარები გათიშულია.
კომენტარები [ 12 ]