რივალდო: მესის უფლება აქვს აბიდალზე ბრაზობდეს
ლიონელ მესის და ერიკ აბიდალის უთანხმოებას "ბარსელონას" ყოფილი ფეხბურთელის რივალდო ეხმიანება. ბრაზილიელის აზრით, მესის უფლება ჰქონდა აბიდალზე გაბრაზებულიყო.
"მესის ყველანაირი უფლება ჰქონდა აბიდალზე გაბრაზებულიყო, რადგან აბიდალმა არასწორად გამოხატა თავისი აზრი ვარჯიშებზე გუნდის პროფესიონალიზმთან დაკავშირებით. თან ისე, რომ არცერთი კონკრეტული სახელი არ უთქვამს. ეს კი მთელს გუნდს კითხვის ნიშნის ქვეშ აყენებდა."
"მესი ერთადერთი იყო, რომელმაც თანაგუნდელები და საკუთარი თავი დაიცვა. მას სურდა არ დაზარალებულიყო არავის რეპუტაცია. აბიდალმა ეს სიტყვები გულუბრყვილოდ თქვა. მედიამ ამაზე მკვეთრი რეაგირება მოახდინა და მესიც იძულებული გახდა სათანადოდ ეპასუხა."
"ახლა ცხადია, რომ ერნესტო ვალვერდე კლუბის უდიდესი პრობლემა არ ყოფილა. ახლა აბიდალი რთულ სიტუაციაშია, რადგან ფეხბურთელი, რომელიც მის განცხადებას გამოეხმაურა, გუნდის კაპიტანი და ვარსკვლავია. ეს ლიონელ მესია. გამარჯვებათა სერია ამ სიტუაციას დაამშვიდებს.
"კლუბს სჭირდება ფეხბურთელი, რომელიც საჭიროებისამებრ იმოქმედებს და ჩემი აზრით, ასეთი ნეიმარია. "ბარსელონამ" მის შესაძენად მოლაპარაკებები უნდა განაგრძოს. კლუბი არ არის პასუხისმგებელი წლების წინ ნეიმარის წასვლაზე. ნეიმარი "კამპ ნოუზე" უნდა დაბრუნდეს და მისი კარიერის საუკეთესო წლები აქ გაატაროს." - ციტირებს რივალდოს სიტყვებს Sport.
ამ სიახლეზე კომენტარები გათიშულია.
კომენტარები [ 7 ]