Sport: "ბარსელონამ" დემბელეს შემცვლელს "ხეტაფეში" მიაგნო
როგორც იცით, უსმან დემბელეს ტრავმის გამო "ბარსელონას" გამონაკლისის სახით ფეხბურთელის დამატების უფლება აქვს (მხოლოდ ლა ლიგის გუნდებიდან) და კატალონიელები აპირებენ, ეს შანსი გამოიყენონ.
ცოტა ხნის წინ, Sport-მა დემბელეს შეცვლის 6 კანდიდატი დაასახელა, თუმცა, კატალონიური გამოცემის უახლესი ინფორმაციით, "ბარსას" სამიზნე სხვა ფეხბურთელია - ანხელ როდრიგესი, რომელიც "ხეტაფეში" თამაშობს.
32 წლის ესპანელი მოთამაშე მადრიდული კლუბის წევრი 2017 წლიდანაა და გუნდთან ერთად იმაზე უკეთეს შედეგს აჩვენებს, ვიდრე შორიდან ჩანს: "ხეტაფე" წინა სეზონის ბოლო ტურამდე ჩემპიონთა ლიგის ზონაში იყო, ახლა კი სატურნირო ცხრილში მესამე ადგილს იკავებს.
ანხელის გამოსასყიდი თანხა 10 მილიონი ევროა, რაც "ბარსასთვის" მისაღებია. მას დემბელეს გარდა, თამაში ლუის სუარესის პოზიციაზეც შეუძლია.
ამ სიახლეზე კომენტარები გათიშულია.
კომენტარები [ 10 ]