"ბოკას" პრეზიდენტი "ბარსელონას" ახალწვეულზე: ფეხბურთელი ჩვენ გვეკუთვნის!
როგორც ჩანს, 18 წლის არგენტინელი მცველის, სანტიაგო რამოს მინგოს "ბარსელონაში" ტრანსფერი დასრულებული არაა.
გუშინ, კატალონიურმა კლუბმა ტრანსფერი ოფიციალურად დაადასტურა, მაგრამ ამის შემდეგ "ბოკა ხუნიორსის" პერზიდენტმა, ხორხე ამორ ამეალმა საინტერესო განცხადება გააკეთა.
"უნდა გავარკვიოთ, ვინაა ამ გარიგებაზე პასუხისმგებელი, რადგან ფეხბურთელი თავისუფალი აგენტი არ ყოფილა.
ლეგალურად, ჩვენს კლუბს აქვს იმის თქმის უფლება, რომ ფეხბურთელი ჩვენია. ასეა FIFA-ს რეგულაციების მიხედვით და ამ საკითხზე ჩვენი იურისტები მუშაობენ." - ციტირებს "ბოკა ხუნიორსის" პრეზიდენტის სიტყვებს Football Espana.
სანტიაგო რამოს მინგომ, "ბოკა ხუნიორსის" შემადგენლობაში, რამდენიმე ამხანაგური თამაში ჩაატარა, მაგრამ არგენტინელებმა მასთან პროფესიონალური კონტრაქტის გაფორმება ვერ მოასწრეს, ამან კი "ბარსას" ფეხბურთელის ხელში უფასოდ ჩაგდების შესაძლებლობა მისცა.
ამ სიახლეზე კომენტარები გათიშულია.
კომენტარები [ 13 ]