ანსუ ფატი = "რეალის" 250 მილიონიანი შემტევი ტრიო
ლა ლიგის 22-ე ტურში, "ლევანტესთან" შესრულებული დუბლის წყალობით, ანსუ ფატის, ესპანეთის ჩემპიონატის მიმდინარე გათამაშებაში, უკვე 4 გატანილი გოლი დაუგროვდა.
Sport-მა 17 წლის ამომავალი ვარსკვალვის შედეგი "რეალის" ახალწვეულ ტრიოს მაჩვენებელს შეადარა. გასულ ზაფხულში, მადრიდულმა გუნდმა 3 შემტევი შეიძინა. ედენ აზარის, ლუკა იოვიჩისა და როდრიგოს ტრანსფერები "სამეფო კლუბს" დაახლოებით 250 მილიონი ევრო უჯდება. არადა, სამივე ეს ფეხბურთელი ერთად ისეთვე პროდუქტიულია, როგორც მხოლოდ ანსუ ფატი.
თუ ფატის 4 გოლი ლა ლიგის 13 თამაშში დაუგროვდა, აზარმა, იოვიჩმა და როდრიგომ, ერთად, 34 თამაშში, ასევე 4 გოლი გაიტანეს.
თუ ვინმე ფიქრობს, რომ მადრიდული ტრიოს უპირატესობა საგოლე გადაცემებია... არც ცდება - იოვიჩს, როდრიგოსა და აზარს, ერთად, 2 საგოლე გადაცემა აქვთ, ანსუ ფატის კი, მხოლოდ 1.
ამ სიახლეზე კომენტარები გათიშულია.
კომენტარები [ 17 ]