"ბარსელონა" და "რეალი" ნიგერიელი თავდამსხმელისთვის იბრძოლებენ
21 წლის ნიგერიელი თავდამსხმელი ვიქტორ ოსიმჰენი კიდევ ერთი შემტევია, რომელიც ლუის სუარესის შეცვლის კანდიდატად მოიხსენიება.
ოსიმჰენი ფრანგულ "ლილში" სადებიუტო სეზონს ატარებს. მიმდინარე სეზონში, 32 შეხვედრაში, მის ანგარიშზე უკვე 16 გოლი და 5 შედეგიანი გადაცემაა. ოსიმჰენს თამაში შეტევის ნებისმიერ პოზიციაზე შეუძლია, მაგრამ ყველაზე უკეთ - ცენტრფორვარდად. ასაკის მიუხედავად, ფეხბურთელმა ნიგერიის ნაკრებში 9 თამაშის ჩატარება და 4 გოლის გატანა მოასწრო.
გასულ ზაფხულში, "ლილმა" "ვოლფსბურგს" მასში 12 მილიონი ევრო გადაუხადა, დღეს კი, Transfermarkt-ზე, ნიგერიელი თავდამსხმელი 30 მილიონადაა შეფასებული.
ფრანგული Le10Sport-ის ცნობით, ვიქტორ ოსიმჰენი ლუის სუარესის შეცვლის ერთ-ერთი კანდიდატია. იმავე წყაროს ინფორმაციით, "ბარსელონას" გარდა, მისთვის მადრიდის "რეალიც" იბრძოლებს.
ამ სიახლეზე კომენტარები გათიშულია.
კომენტარები [ 9 ]