ფრანსიშკუ ტრინკაუ - მე-9 პორტუგალიელი "ბარსელონაში"
გუშინ ოფიციალურად დადასტურდა, რომ 20 წლის პორტუგალიელი შემტევი ფრანსიშკუ ტრინკაუ, მომდევნო სეზონიდან, "ბარსელონას" ღირსებას დაიცავს.
ახალგაზრდა ფეხბურთელში "ბლაუგრანამ" 31 მილიონი ევრო გადაიხადა.
კატალონიური კლუბის ოფიციალური ვებგვერდის ცნობით, ტრინკაუ "ბარსას" ისტორიაში მე-9 პორტუგალიელი ფეხბურთელია. თვალი გადავავლოთ წინა რვას:
- ლუიშ ფიგუ (1995-2000 წლები, 249 თამაში, 45 გოლი, 7 ტიტული)
- ვიტორ ბაია (1996-1998, 50 თამაში, 5 ტიტული)
- ფერნანდუ კოუტუ (1996-1998, 60 თამაში, 2 გოლი, 6 ტიტული)
- სიმაუ საბროსა (1999-2001, 70 თამაში, 4 გოლი)
- რიკარდუ კუარეჟმა (2003-2004, 28 თამაში, 1 გოლი)
- დეკუ (2004-2008, 161 თამაში, 20 გოლი, 5 ტიტული)
- ანდრე გომეში (2016-2018, 78 თამაში, 3 გოლი, 4 ტიტული)
- ნელსონ სემედუ (2017-დღემდე, 104 თამაში, 1 გოლი, 4 ტიტული)
ჩამოთვლილი ფეხბურთელებიდან გადაჭრით მხოლოდ დეკუზე შეიძლება ითქვას, რომ გაამართლა. სპორტული შედეგები ნამდვილად არ დაეწუნებოდა არც ლუიშ ფიგუს და მეტიც, პორტუგალიელი ფეხბურთელებიდან "ბარსაში" ყველაზე კარგად სწორედ მას უთამაშია, მაგრამ შემდეგ მისი "რეალში" სკანდალურად გადასვლა ტრანსფერის წარმატებულობას კითხვის ნიშნის ქვეშ აყენებს.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 12 ]