სესკ ფაბრეგასი "ბარსელონაში" მწვრთნელად დაბრუნებას არ გამორიცხავს
"ბარსელონას" ყოფილი ნახევარმცველი, ამჟამად "მონაკოში" მოთამაშე სესკ ფაბრეგასი აცხადებს, რომ მომავალში კატალონიურ კლუბში მწვრთნელად დაბრუნებას არ გამორიცხავს.
RAC1-თან ინტერვიუში, 32 წლის ფეხბურთელმა განაცხადა: "კარიერის დასრულების შემდეგ, მწვრთნელობას ვაპირებ, მაგრამ თამაშისთვის დრო ჯერ კიდევ მაქვს."
კითხვაზე, დაიწყებდა თუ არა მწვრთნელად მუშაობას "ლა მასიაში", ფაბრეგასმა უპასუხა: "რატომაც არა? ეს ჩემი სახლია და ეს ის საქმეა, რომლის კეთებაც მწვრთნელს სურს."
სესკ ფაბრეგასი "ბარსელონას" სკოლის აღზრდილია. 2003 წელს, 16 წლის ასაკში, ის "არსენალში" გადავიდა, საიდანაც "ბლაუგრანაში" 2011 წელს დაბრუნდა. მომდევნო 3 წლის განმავლობაში, კატალონიელთა პირველი გუნდის მაისურით, ფაბრეგასმა 151 თამაში ჩაატარა, 42 გოლი გაიტანა და 6 ტიტული მოიგო.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 7 ]