კიკე სეტიენის კომენტარი სადებიუტო თამაშის შემდეგ
"ბარსელონას" ახალმა მწვრთნელმა, კიკე სეტიენმა, "გრანადასთან" გამართული სადებიუტო თამაშის (1-0) შემდეგ, ჟურნალისტების კითხვებს უპასუხა.
"ფეხბურთელების მონდომებით კმაყოფილი ვარ.
პირველ ტაიმში, შესაძლოა, წარმატებას ვერ მივაღწიეთ. ბევრი რამ კარგად გავაკეთეთ. იმედი მაქვს, ნელ-ნელა მოვუმატებთ.
მესი? ის ამას მთელი ცხოვრებაა აკეთებს.
1000 პასზე მეტი? მე მინდა, რომ თამაში ვაკონტროლოთ და ბურთი იშვიათად დავკარგოთ. თუ ეს მოვახერხეთ, უკან დახევა აღარ მოგვიწევს ხოლმე. თუ ბურთს მოულოდნელად დაკარგავ, ნებისმიერ მეტოქეს შეეძლება ზიანი მოგაყენოს.
ბევრი რამის შეცვლა საჭირო არაა. შესაძლოა, საჭირო გახდეს მენტალობისა და თანმიმდევრულობის შეცვლა იმისათვის, რომ 90 წუთის განმავლობაში ინტენსიური ფეხბურთი ვითამაშოთ.
ბუსკეტსი არის ფეხბურთელი, რომელიც თამაშს საუკეთესოდ კითხულობს და რომელსაც საკუთარი პოზიცია ყველაზე კარგად ესმის. მან და სერჟი რობერტომ, მეტოქის მოედანზე, ბურთი ბევრჯერ დაიბრუნეს.
პუჩი, მოედანზე შესვლის შემდეგ, თამაშის კარგად წაკითხვას ახერხებდა.
ბურთს დიდხანს ვაკონტროლებდით. გაბედულები უნდა ვიყოთ და მეტოქეს ბურთი მისსავე მოედანზე მოვპაროთ.
ძალიან ბედნიერი ვარ იმით, რაც ვიხილე. მეტოქეს ვაპრესინგებდით და მისი დევნა არ გვიწევდა. ისიც სიმართლეა, რომ ქარმა თამაშზე დიდი გავლენა მოახდინა.
როდესაც მესი გყავს, მშვიდად ხარ. ის ასეთი თამაშების ბედს უკვე ათწლეულზე მეტია წყვეტს.
ცენტრფორვარდის შეძენა? ვნახოთ. სიტუაციას გავაანალიზებთ.
გრიზმანი ექსტრაორდინალური ფეხბურთელია. ის ძალიან გვეხმარება."
ამ სიახლეზე კომენტარები გათიშულია.
კომენტარები [ 19 ]