ახალი მწვრთნელი - მესის გოლის გარანტი
19 იანვარს "გრანადასთან" გასამართ მატჩში ლეო მესის გოლია მოსალოდნელი და არა მხოლოდ იმიტომ, რომ არგენტინელი თანამედროვეობის ყველაზე გამტანი ფეხბურთელია.
Tribuna-მ საინტერესო დაკვირვება აწარმოა და დაადგინა, რომ ლეოს გოლი "ბარსელონას" ბოლო 4 მწვრთნელის სადებიუტო მატჩში გაჰქონდა.
2012 წლის 19 აგვისტოს, "ბარსელონამ" "სოსიედადს" უმასპინძლა და ტიტო ვილანოვას სადებიუტო მატჩში 5-1 მოიგო. აქედან 2 გოლი არგენტინელის აქტივშია.
ერთი წლის შემდეგ, 2013 წლის 18 აგვისტოს, ტატა მარტინოს სადებიუტო შეხვედრაში, "ბარსამ" "ლევანტე" 7-0 გაანადგურა და მესიმ კვლავ დუბლი გაიფორმა.
2014 წლის 24 აგვისტოს, ლუის ენრიკეს დებიუტის ჯერი დადგა. მისმა გუნდმა "ელჩეს" 3-0 მოუგო, მესიმ კი ტრადიცია გააგრძელა და დუბლი შეასრულა.
მოგებისა და დუბლის ტრადიცია 2017 წლის 13 აგვისტოს, ერნესტო ვალვერდეს დებიუტის დროს დაირღვა. ესპანეთს სუპერ თასის პირველ მატჩში, "ბარსელონამ" "რეალთან" 1-3 წააგო, ის ერთადერთი გოლი კი მესიმ გაიტანა.
აღსანიშნავია, რომ ოთხივე ეს შეხვედრა "კამპ ნოუზე" გაიმართა. იგივე სტადიონი უმასპინძლებს კიკე სეტიენის სადებიუტო მატჩსაც.
ამ სიახლეზე კომენტარები გათიშულია.
კომენტარები [ 11 ]