"იბიცას" პრეზიდენტი: ჩვენ საფეხბურთო კლუბი ვართ და არა ღამის კლუბი
ესპანეთის თასზე "ბარსელონას" პირველი მეტოქის, "იბიცას" პრეზიდენტმა მკაცრად გააკრიტიკა კატალონიური TV3-ის სპორტული პროგრამა, რომელმაც მატჩის ანონსისთვის "იბიცას" ლოგოს ნაცვლად კუნძულზე მდებარე ცნობილი ღამის კლუბის ლოგო გამოიყენა.
Hay más tontos que ventanas @esportclub y vosotros estáis entre los primeros. Desperdicio de televisión @tv3cat financiada con dinero público. para asociar al @ibizaud con una discoteca al menos hay que tener gracia. Nos vemos en Can Misses y os lo diré a la cara fenómenos. pic.twitter.com/OvF0aRUMy5
— Amadeo Salvo (@AmadeoSalvo00) January 14, 2020
მოგვიანებით, COPE-სთან საუბრისას, ამადეო სალვომ ტონი ცოტათი შეარბილა და მოახლოებულ შეხვედრაზეც ისაუბრა.
"შეიძლება, ცოტა ზედმეტი მომივიდა... თუმცა ეს ჩვენს მიმართ უპატივცემულობის გამოხატვა იყო. ჩვენ სერიოზული საფეხბურთო კლუბი ვართ და არა ღამის კლუბი. ეს არ მომეწონა.
წილისყრის შედეგით ძალიან კმაყოფილები დავრჩით. ეს ფეხბურთელებისა და გულშემატკივრებისთვის სასიამოვნო საჩუქარია. ვეცდებით, სტადიონზე ადგილები დავამატოთ და დასწრების საშუალება მეტ ადამიანს მივცეთ.
რა თქმა უნდა, ვიცით, რომ კოპა დელ რეის ვერ მოვიგებთ, მაგრამ ჩემპიონატში ვიბრძვით და "ბარსელონასთან" შეხვედრა კარგი გამოცდილება იქნება". - განაცხადა სალვომ.
ამ სიახლეზე კომენტარები გათიშულია.
კომენტარები [ 5 ]