ერნესტო ვალვერდეს ემოციური ღია წერილი
"ბარსელონას" აწ უკვე ყოფილმა მთავარმა მწვრთნელმა, ერნესტო ვალვერდემ, გულშემატკივრებს ღია წერილი მიუძღვნა, რომელსაც კატალონიური კლუბის ოფიციალური ვებგვერდი აქვეყნებს.
"ძვირფასო გულშემატკივრებო,
"ბარსელონაში" ჩემი დრო დასრულდა. ეს ძალიან ინტენსიური 2.5 წელი იყო. ამ დროის განმავლობაში, არაერთი სასიამოვნო მომენტი მქონდა, როდესაც მოგებულ ტიტულებს ვზეიმობდი, მაგრამ იყო სირთულეებიც. ყველაზე მეტად მსურს ხაზი გულშემატკივრებთან ჩემი ურთიერთობის გამოცდილებასა და ჩემდამი გამოხატულ სიყვარულს გავუსვა.
მინდა მადლობა გადავუხადო პრეზიდენტ ბართომეუსა და დირექტორთა საბჭოს წევრებს მთელი ამ დროის განმავლობაში ნდობის გამოცხადებისთვის. ასევე მინდა მადლობა გადავუხადო კლუბში მომუშავე ყველა ადამიანს მათი მხარდაჭერისთვის. განსაკუთრებით მათ, ვისი სამუშაოც პირველ გუნდს უკავშირდებოდა და ვისთან ერთადაც, საწვრთნელ ბაზასა და გასვლით თამაშებზე, დიდი დრო გავატარე. რა თქმა უნდა, მადლობა ფეხბურთელებს მთელი იმ ძალისხმევისთვის, რომლის წყალობითაც ერთად 4 ტიტული მოვიგეთ. ყველა მათგანს და გუნდის ახალ მწვრთნელს, კიკე სეტიენს წარმატებებს ვუსურვებ.
ვისკა ბარსა, ვისკა კატალონია.
ერნესტო ვალვერდე."
ამ სიახლეზე კომენტარები გათიშულია.
კომენტარები [ 22 ]