ფაბრეგასი: ჩემპიონთა ლიგის მოგონებებიდან "ბარსელონასთან" მოგებებს გამოვარჩევ
"ბარსელონასა" და "არსენალის" ყოფილმა ფეხბურთელმა, სესკ ფაბრეგასმა უცნაური პასუხი გასცა კითხვას, რომელიც ჩემპიონთა ლიგაზე მის საუკეთესო მოგონებას ეხებოდა.
სოციალურ ქსელ Twitter-ზე, BT Sport-მა ფაბრეგასს ჰკითხა, რომელი იყო მისი ფავორიტი მოგონება ჩემპიონთა ლიგიდან, რაზეც "მონაკოს" 32 წლის ფეხბურთელმა უპასუხა: "ბარსელონასთან" მოგებები "ემირეითსზე" და 2006 წელს "ბერნაბეუზე" მოგება."
რა არის ამ პასუხში უცნაური? საქმე ისაა, რომ "არენალს" "ბარსელონა" ისტორიაში ერთადერთხელ ჰყავს დამარცხებული და ფაბრეგასს კატალონიურ გუნდთან "ემირეითსზე" ("არსენალის" საშინაო არენა) მოგებები ვერ ექნებოდა. გარდა ამისა, აღსანიშნავია ისიც, რომ ის ერთადერთი მოგებაც ფაბრეგასის გუნდისთვის არცთუ კარგად დასრულდა - შინ 2-1 მოგების შემდეგ, "მეთოფეები" "კამპ ნოუზე" 1-3 დამარცხდნენ და საბოლოოდ ლონდონური გუნდი გათმაშებას გამოეთიშა.
The wins against Barcelona at the Emirates and the win at the Bernabeu in ‘06 https://t.co/wQ64q5K1vI
— Cesc Fàbregas Soler (@cesc4official) January 7, 2020
ამ სიახლეზე კომენტარები გათიშულია.
კომენტარები [ 7 ]