As: 2019 წლის იანვარში, "ბარსელონამ" ჰალანდის შეძენას ბოატენგის დამატება არჩია
2019 წლის იანვარში, როდესაც "ბარსელონა" მუნირ ელ ჰადადიმ დატოვა, "ბლაუგრანამ" სატრანსფერო ბაზარზე ლუის სუარესის დუბლიორის ძებნა დაიწყო.
As-ის ცნობით, "ბარსა" ახალგაზრდა ტალანტის, ერლინგ ჰალანდის დამატებას განიხილავდა, თუმცა კატალონიური კლუბის ხელმძღვანელებმა 18 წლის ფეხბურთელის შეძენა ზედმეტად რისკიან ნაბიჯად ჩათვალეს და მის მაგივრად კევინ-პრინს ბოატენგი დაიმატეს, რომელმაც "ბარსელონას" მაისურით ოთხი მატჩი ჩაატარა, თუმცა გოლის გატანა ვერ მოახერხა.
შეგახსენებთ, რომ ცოტა ხნის წინ, ჰალანდი დორტმუნდის "ბორუსიამ" შეიძინა. ამ სეზონში ახალგაზრდა ფეხბურთელმა 22 შეხვედრაში 28 გოლი გაიტანა (აქედან 8 ჩემპიონთა ლიგაზე).
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 12 ]