არტურო ვიდალმა "ბარსელონასთან" დავა წააგო
ესპანეთის ფეხბურთელთა ასოციაციისა (AFE) და ლა ლიგის ერთობლივმა კომისიამ არტურო ვიდალის მიერ "ბარსელონას" წინააღმდეგ შეტანილი საჩივარი განიხილა და დაადგინა, რომ ჩილელი ნახევარმცველის მოთხოვნა არ დაკმაყოფილდეს.
32 წლის ფეხბურთელი "ბარსელონას" 2.4 მილიონი ევროს ოდენობის გადაუხდელ ბონუსებს ედავება. Mundo Deportivo-ს ცნობით, კომისიამ დაადგინა, რომ საქმე კატალონიური კლუბის მხრიდან დაშვებულ შეცდომასთან არ გვაქვს, თუმცა კონტრაქტი არაერთგვაროვანი ინტერპრეტაციის საშუალებას ნამდვილად იძლევა.
ახლა, ვიდალს შეუძლია "ბარსელონას" სამოქალაქო სასამართლოში უჩივლოს.
ცნობისთვის, ესპანეთის ფეხბურთელთა ასოციაციის დირექტორთა საბჭოში ისეთი მოთამაშეები შედიან, როგორებიც ხუან მატა, დავიდ დე ხეა და სერხიო ბუსკეტსი არიან, ეს უკანასკნელი კი ვიცე-პრეზიდენტის თანამდებობასაც იკავებს.
ამ სიახლეზე კომენტარები გათიშულია.
კომენტარები [ 10 ]