კარლოს მარტინესი: გრიზმანი "ბარსელონაში" თავს დაიმკვიდრებს
"რეალ სოსიედადის" ყოფილმა მარჯვენა მცველმა, კარლოს მარტინესმა ყოფილ თანაგუნდელის, ანტუან გრიზმანის შესახებ ისაუბრა. მარტინესმა აღნიშნა, რომ ფრანგი "ბლაუგრანაში" თავის თავს იპოვის და კლუბისთვის სასარგებლო იქნება.
"გრიზმანი "ბარსელონაში" თავს დაიმკვიდრებს. ის კარგი ფეხბურთელი იქნება, რადგან მან ეს უკვე სხვა კლუბებში დაამტკიცა."
"ბარსელონაში" გადმოსვლის შემდეგ, გრიზმანი ქომაგთა კრიტიკის ობიექტი იყო. მიზეზი კი შეტევაში ლუის სუარესსა და ლიონელ მესისთან შეუთამაშებლობა იყო. ახლა, თითქოს ყველაფერი გამოსწორდა და კატალონიელთა შემტევი ტრიო მოედანზე შესანიშნავად გამოიყურება.
ლა ლიგის მე-17 ტურში "ბარსელონა" "ანოეტაზე" გამართავს შეხვედრას. მარტინესმა ამ მატჩის შესახებაც გააკეთა კომენტარი.
"სოსიედადი ხარისხიან და ლამაზ ფეხბურთს თამაშობს. კარგი მოთამაშეებიც ჰყავთ. იმისთვის, რომ "ბარსელონა" დაამარცხონ, მათ კარგად თამაში მოუწევთ." - ციტირებს მარტინესის სიტყვებს Marca.
ამ სიახლეზე კომენტარები გათიშულია.
კომენტარები [ 4 ]