ერნესტო ვალვერდე "სოსიედადთან" მატჩის წინ
ლა ლიგაში "რეალ სოსიედადთან" დაპირისპირების წინ, "ბარსელონას" მთავარმა მწვრთნელმა, ერნესტო ვალვერდემ, პრესკონფერენცია გამართა.
"წლების განმავლობაში, "სოსიედადთან" სტუმრად თამაში ერთ-ერთ ყველაზე რთულია. ბოლოს მოგება მოვახერხეთ, მაგრამ წარუმატებელი სერია დიდი ხნის განმავლობაში გვქონდა.
ეს გუნდი კარგი ფეხბურთელებითაა დაკომპლექტებული და კარგ ფეხბურთს თამაშობს, ასე რომ, რთული მატჩი გვექნება. მერინო და ედეგორი შეტევაში სწრაფად და ეფექტურად ერთვებიან. ზოგადად, გუნდს გეგმა აქვს. ისინი ყოველთვის ცდილობენ, რომ ბურთი გააკონტროლონ.
ალბა და სემედუ სამშაბათისთვის მზად არ იყვნენ, მაგრამ ისინი ვარჯიშობენ და იმედია, თავს კარგად იგრძნობენ.
რაკიტიჩზე განსაკუთრებულს ვერაფერს ვიტყვი. მას ჩვენი გუნდის სხვა ფეხბურთელების მსგავსად ვუყურებ. ბოლო პერიოდში მან სათამაშო დრო დაიმსახურა.
"კლასიკოზე" ჯერ არ ვფიქრობთ. კონცენტრაცია არ უნდა დავკარგოთ. "სოსიედადთან" აღებული სამი ქულა იმდენივეა, რაც მადრიდის "რეალთან".
უსაფრთხოების ზომებთან დაკავშირებით განსაკუთრებული ინფორმაცია ჯერ არ მიმიღია. ჯერ ამაზე არაფერი უთქვამთ - ყველაფერს თავისი დრო აქვს". - განაცხადა ვალვერდემ.
ამ სიახლეზე კომენტარები გათიშულია.
კომენტარები [ 12 ]