"ბარსელონამ" ჯგუფური ეტაპი "ინტერის" დამარცხებით დაასრულა
"ბარსელონას" ჩემპიონთა ლიგის მე-6 ტურის წინ ჯგუფში პირველობა განაღდებული ჰქონდა და მთავარმა მწვრთნელმა "ინტერთან" შემადგენლობა გადაახალისა, თუმცა, მეტოქესთან, რომელსაც ჯგუფიდან გასასვლელად გამარჯვება სჭირდებოდა, გამარჯვების მოპოვება მაინც მოახერხა.
"სან სიროზე" სამი გოლი ვიხილეთ: ჯერ "ბარსელონა" კარლეს პერესმა დააწინაურა, შემდეგ რომელუ ლუკაკუმ ანგარიში გაათანაბრა, მატჩის ბოლოს კი ანსუ ფატიმ საბოლოო ანგარიში დააფიქსირა. აღსანიშნავია, რომ "ბარსას" ორივე ფეხბურთელისთვის თამაში და გოლი სადებიუტო იყო, ფატი კი ჩემპიონთა ლიგის ისტორიაში ყველაზე ახალგაზრდა გამტანი გახდა.
პარალელურად, დორტმუნდის "ბორუსიამ" "სლავია" 2-1 დაამარცხა და ჯგუფში მეორე ადგილი დაიკავა.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 16 ]