ანტონიო კონტე: თუ ვიტყვით, რომ "ბარსელონასთან" არ გაგვიჭირდება, სულელები ვიქნებით
მილანის "ინტერის" მთავარმა მწვრთნელმა, ანტონიო კონტემ, "ბარსელონასთან" მატჩის წინ პრესკონფერენცია გამართა.
"თუ ვიტყვით, რომ "ბარსელონასთან" არ გაგვიჭირდება, სულელები ვიქნებით. თუმცა, როცა ბურთი ჩვენ გვექნება, ვეცდებით, მათ პრობლემები შევუქმნათ.
"კამპ ნოუზე" თავდადებით ვითამაშეთ, მაგრამ შესანიშნავი ფეხბურთელების წყალობით "ბარსამ" მოგება მოახერხა. ახლა საქმე ცოტა სხვანაირადაა, ჩვენ გავიზარდეთ და მოტივირებულები ვართ, რადგან ამ ტურნირზე დარჩენა გვინდა. ეს ძალიან მნიშვნელოვანია და ჩვენს ფეხბურთელებს ასეთი გამოცდილების მიღება სჭირდებათ". - განაცხადა იტალიელმა სპეციალისტმა.
ხვალინდელი მატჩის შედეგს "ბარსელონასთვის" მნიშვნელობა არ აქვს, "ინტერს" კი, ჯგუფიდან გასასვლელად, დიდი ალბათობით, მოგება დასჭირდება, რადგან დორტმუნდის "ბორუსია", რომელსაც იგივე რაოდენობის ქულები აქვს, "სლავიას" სახით გაცილებით სუსტ მეტოქეს უპირისპირდება.
ამ სიახლეზე კომენტარები გათიშულია.
კომენტარები [ 3 ]