ატლეტიკო-ბარსელონა 0-1 - ერნესტო ვალვერდე მატჩის შემდეგ
მადრიდის "ატლეტიკოსთან" მნიშვნელოვანი და რთული 3 ქულის აღების შემდეგ, კომენტარი "ბარსელონას" მთავარმა მწვრთნელმა, ერნესტო ვალვერდემ გააკეთა.
"ძალიან გახარებულები ვართ, რადგან რთული თამაში გამოვიდა. ამ მოედანზე თამაში ყოველთვის ძნელია.
თანაბარ თამაშებში მესის ყოლა ყოველთვის დიდი უპირატესობაა.
პიკე? მას მოედანზე დარჩენა შეეძლო, მაგრამ ვამჯობინე არ გამერისკა.
დღევანდელი მოგება მნიშვნელოვანია როგორც ლიდერობის შენარჩუნების გამო, ასევე თავდაჯერებისთვისაც.
სანამ საქმეში მესი ჩაერთვებოდა, თამაშის ბედი გაურკვეველი იყო. ცუდად დავიწყეთ, მაგრამ ნელ-ნელა მოვუმატეთ.
გრიზმანი? ვფიქრობ, მან კარგად ითამაშა. მისთვის რთული თამაში იყო, რადგან ყოფილ თანაგუნდელებთან დაპირისპირება უწევდა. ანტუანს ძალიან კარგი შანსი ჰქონდა. შესაძლოა, უმჯობესი იყო, მას ის ბურთი მიეღო და დაემუშავებინა.
ჩვენ არ ვართ გუნდი, რომელიც კონტრშეტევებზე თამაშობს. ჩვენი თამაშის სტილი დომინირებაა."
ამ სიახლეზე კომენტარები გათიშულია.
კომენტარები [ 39 ]