რა შემთხვევაში გავა "ბარსა" ჯგუფიდან დღესვე?

"ბარსელონას" ჩემპიონთა ლიგის ჯგუფური ეტაპის ფარგლებში 27 ნოემბერს "კამპ ნოუზე" "დორტმუნდს" უმასპინძლებს. სატურნირო ცხრილში კატალონიელები 8 ქულით პირველ ადგილს იკავებენ, გერმანელებს 7 ქულა აქვთ. მესამე და მეოთხე ადგილებს კი "ინტერი" და "სლავია" ინაწილებენ შესაბამისად 4 და 2 ქულით.

თუკი დღევანდელ თამაშს "ბლაუგრანა" მოიგებს, კლუბი 11 ქულას მოაგროვებს და ნებისმიერ შემთხვევაში ჯგუფურ ეტაპს პირველ ადგილზე დაასრულებს. თუ "ბარსელონა" მატჩს ფრედ დაასრულებს და "ინტერი" პრაღაში გაიმარჯვებს, ჯგუფური ეტაპის ბოლო ტურში იტალიელებს შეეძლებათ "ბარსელონას" ფლეი-ოფში გასვლა კითხვის ნიშნის ქვეშ დააყენონ. საყაიმო ანგარიშის შემთხვევაშიც "ბარსელონას" შეუძლია ჯგუფური ეტაპიდან გავიდეს. ამისთვის საჭიროა "სლავიამ" მილანური კლუბი დაამარცხოს ან შეხვედრა ფრედ მორჩეს.

"ბარსელონას" ქომაგებისთვის ყველაზე არასასურველი შედეგის - მარცხის დაფიქსირების შემთხვევაში, კატალონიელებს 8 ქულა დარჩებათ, "დორტმუნდი" 10 ქულით ჯგუფის ლიდერი გახდება, ხოლო პრაღაში მოპოვებული გამარჯვებით, "ბლაუგრანასთვის" ჯგუფური ეტაპიდან გასვლის საკითხი "ჯუზეპე მეაცაზე" გადაწყდება.
კატალონიელთა წაგების შემთხვევაშიც, "სლავიას" "ინტერთან" გამარჯვებით, "ბლაუგრანა" ჯგუფურ ეტაპს წარმატებით გადალახავს.

ნებისმიერ შემთხვევაში, "ბარსელონასთვის" "დორტმუნდთან" გამარჯვება ფლეი-ოფში გასვლის გარანტი იქნება და ესპანელები სხვა კლუბებზე დამოკიდებული არ იქნებიან.

მოკლედ რომ შევაჯამოთ - თუ "ბარსელონამ" "დორტმუნდთან" უფრო ნაკლები ქულა არ აიღო, ვიდრე "ინტერი" "სლავიასთან" აიღებს, ერნესტო ვალვერდეს გუნდი 1/8-ფინალის საგზურს გაინაღდებს.