მესის პელეს 3 რეკორდის გაუმჯობესება შეუძლია

"ბარსელონას" არგენტინელ ლიდერს, ლიონელ მესის კარგი შანსი აქვს, ფეხბურთის ბრაზილიელი ლეგენდის, პელეს მიერ დამყარებული 3 რეკორდი გააუმჯობესოს.

პელეს, ეროვნული გუნდის მაისურით, 77 გოლი აქვს გატანილი, რაც სამხრეთ ამერიკულ ფეხბურთში საუკეთესო შედეგია. მესის ანგარიშზე 70 გოლია, რაც იმას ნიშნავს, რომ პელეს ამ რეკორდის დასამხობად არგენტინელს ეროვნული გუნდის მაისურით 8 ზუსტი დარტყმა სჭირდება.

შემდეგი რეკორდი არის ერთი კლუბის მაისურით გატანილი გოლების რაოდენობა. პელეს, "სანტოსის" შემადგენლობაში, 643 გოლი აქვს გატანილი. მესის, "ბარსელონას" მაისურით, მეტოქეთა კარი 612-ჯერ აუღია. ეს ნიშნავს, რომ კიდევ 32 გოლის გატანის შემთხვევაში, მესი პელეს გადაასწრებს.

მე-3 და ყველაზე რთულად დასამხობი რეკორდი გოლების საერთო რაოდენობაა. პელეს, "სანტოსის", "კოსმოსისა" და ბრაზილიის ნაკრების შემადგენლობაში, ოფიციალურ შეხვედრებში, 757 გოლი აქვს გატანილი. მესი მას 75 გოლით ჩამორჩება, თუმცა, ლეო ტემპს აშკარად არ აგდებს და მას ამ შედეგის გაუმჯობესების არცთუ ცუდი შანსი აქვს.