დავიდ ვილიამ კარიერა დაასრულა
"ბარსელონასა" და მსოფლიო ფეხბურთის ლეგენდამ, დავიდ ვილიამ კარიერის დასრულების გადაწყვეტილება მიიღო. 37 წლის ესპანელმა ეს ინფორმაცია დღეს გაახმოვანა.
"მინდოდა, ფეხბურთისთვის თავი თავად დამენებებინა და იძულებული არ გავმხდარიყავი ეს გამეკეთებინა.
ჩემი მიზანია "ვისელ კობეს", 1 იანვარს, იმპერატორის თასის მოგებაში დავეხმარო.
ამის შემდეგ, ფეხბურთით სიამოვნების მიღებას იმ პროექტების საშუალებით განვაგრძობ, რომლებსაც DV7 ჯგუფი ახორციელებს. დიდი მადლობა მთელი ამ სიყვარულისთვის." - განაცხადა დავიდ ვილიამ.
Gracias. pic.twitter.com/5AZfc8VDea
— David Villa (@Guaje7Villa) November 13, 2019
დავიდ ვილია "ბარსელონაში" 2010-2013 წლებში თამაშობდა. კატალონიური გუნდის მაისურით მან 119 შეხვედრა ჩაატარა, 48 გოლი გაიტანა და მოიგო 8 ტიტული: ლა ლიგა (2), ესპანეთის თასი, ესპანეთის სუპერ თასი (2), ჩემპიონთა ლიგა, ევროპის სუპერ თასი, მსოფლიოს საკლუბო ჩემპიონატი.
დავიდ ვილია ესპანეთის ნაკრების ისტორიაში საუკეთესო ბომბარდირია 59 გოლით. "ფურია როხასთან" ერთად მას ევროპისა და მსოფლიო ჩემპიონატები აქვს მოგებული.
ამ სიახლეზე კომენტარები გათიშულია.
კომენტარები [ 14 ]