კატალონიის დამოუკიდებლობის მომხრეები "კლასიკოს" ჩაშლას გეგმავდნენ

კატალონიის დამოუკიდებლობის მომხრე დაჯგუფება "რესპუბლიკის დაცვის კომიტეტი" 26 ოქტომბერს გასამართი "ელ კლასიკოს" ჩაშლას აპირებდა. ამ ინფორმაციას El Mundo ავრცელებს.

წყაროს ცნობით, დაჯგუფების წევრებს ჰქონდათ გეგმა, რომლის მიხედვითაც, ისინი აპირებდნენ ყველა გზა გადაეკეტათ საიმისოდ, რომ "რეალის" ფეხბურთელები სასტუმრომდე ვერ მისულიყვნენ.

ასევე იგეგმებოდა "კამპ ნოუდან" სატელევიზიო სიგნალის ჩახშობა.

საბოლოოდ, უსაფრთხოების მიზნებიდან გამომდინარე, თამაში 18 დეკემბრისთვის გადაიდო.