ერნესტო ვალვერდე: ჟუნიორ ფირპო თავის შანსს მიიღებს
ერნესტო ვალვერდე იმ მიზეზზე საუბრობს, რომლის გამოც, "ლევანტესთან" მატჩში, დაცვის მარცხენა ფლანგზე მან ნელსონ სემედუ ათამაშა და არა ჟუნიორ ფირპო. ესპანელი სპეციალისტის თქმით, ფირპო თავის შანსს აუცილებლად მიიღებს.
"ფირპოთი კმაყოფილები ვართ. ვიცოდით, რომ "ლევანტეს" სწრაფი ფეხბურთელები ჰყავს, რასაც ჩვენთვის პრობლემები ადრეც შეუქმნია. ამის გათვალისწინებით, ვამჯობინე, მარცხენა ფლანგზე სემედუ დამეყენებინა. ვფიქრობდი, რომ ეს საუკეთესო გადაწყვეტილება იყო.
ჟუნიორი თავის შესაძლებლობებში მარწმუნებს და ის შანსს მიიღებს." - განაცხადა ვალვერდემ გუშინ გამართულ პრესკონფერენციაზე.
"სელტასთან" დღეს გასამართი მატჩისთვის ფირპო განაცხადში მოხვდა. იმის გათვალისწინებით, რომ ჟორდი ალბა ტრავმირებულია, დიდია შანსი, ის მოედანზეც ვიხილოთ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 5 ]