კარლოს ველა: ვის შეუძლია, მესის გვერდით თამაშზე უარი თქვას?
კევინ-პრინს ბოატენგი რომ არა, დიდი ალბათობით, "ბარსელონა" 2019 წლის იანვარში იჯარით კარლოს ველას დაიმატებდა. მექსიკელმა ფორვარდმა იცის, რომ კატალონიური გუნდი მისით დაინტერესებული იყო და New York Times-თან ინტერვიუში აცხადებს, რომ "ბლაუგრანას" მაისურით თამაში მისი სურვილი იყო.
"შეთანხმებასთან ახლოს ვიყავით. რამდენიმე თვის განმავლობაში სიამოვნებას მივიღებდი, ვისწავლიდი, შემდეგ კი სახლში დავბრუნდებოდი.
ვის შეუძლია, მესის გვერდით თამაშზე უარი თქვას? არ შეიძლება, ასეთი შესაძლებლობა არ გამოიყენო. წარმოუდგენლად რთულია იმის თქმა, რომ "ბარსელონა" არ გაინტერესებს.
გადაწყვეტილების მიღება მხოლოდ ჩემზე რომ ყოფილიყო დამოკიდებული, რა თქმა უნდა, ამ შანსს ხელიდან არ გავუშვებდი".
ველა, რომელმაც კარიერის ყველაზე დიდი ნაწილი "არსენალში" და "რეალ სოსიედადში" გაატარა, ახლა 30 წლისაა და MLS-ში "ლოს ანჯელესის" ღირსებას იცავს.
ამ სიახლეზე კომენტარები გათიშულია.
კომენტარები [ 10 ]