ოფიციალური ინფორმაცია "ელ კლასიკოსთან" დაკავშირებით
2019/20 წლების სეზონის პირველ "ელ კლასიკოსთან" დაკავშირებით პირველი ოფიციალური ინფორმაცია გავრცელდა, რომელმაც აქამდე გავრცელებული არაოფიციალური ცნობები დაადასტურა.
ესპანეთის ფეხბურთის ფედერაციის ვებგვერდზე გამოქვეყნებული ოფიციალური განცხადებიდან ირკვევა:
- ესპანეთის ლა ლიგამ ფეხბურთის ფედერაციას თამაშის 26 ოქტომბერს, მაგრამ არა ბარსელონაში, არამედ მადრიდში ჩატარება შესთავაზა. ეს ორივე კლუბმა იუარა. ფედერაციამ გადაწყვიტა, საკითხის ამგვარ გადაწყვეტაზე უარი ეთქვა;
- 17 ოქტომბერს გამართულ შეხვედრაზე გადაწყდა, რომ "ელ კლასიკო" 26 ოქტომბერს აღარ გაიმართება. თავდაპირველად შეთავაზებული 18 დეკემბერი ლა ლიგამ დაიწუნა და თამაშის 7 დეკემბერს ჩატარების ინიციატივა წამოაყენა, რომელიც "რეალმა" არ მოიწონა;
- ესპანეთის ფეხბურთის ფედერაციამ კლუბებს უფლება მისცა ახალი თარიღი თავად შეარჩიონ. თუ ორშაბათს, 21 ოქტომბერს, თბილისის დროით 23:00 საათამდე კლუბები ერთმანეთში შეთანხმებას ვერ მიაღწევენ, მაშინ გადაწყვეტილებას ფეხბურთის ფედერაცია მიიღებს.
ამრიგად, ოფიციალურად დადასტურდა ინფორმაცია, რომ "ელ კლასიკო" 26 ოქტომბერს აღარ გაიმართება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 7 ]