"ელ კლასიკოს" საკითხი დღეს გადაწყდება
ესპანეთის ფეხბურთის ფედერაციის პრეზიდენტი ლუის რუბიალესი ადასტურებს, რომ "ელ კლასიკოსთან" დაკავშირებით გადაწყვეტილება დღეს იქნება მიღებული.
ბარსელონაში მიმდინარე საპროტესტო აქციების გამო, "ელ კლასიკოს" დათქმულ დროსა და ადგილას, 26 ოქტომბერს "კამპ ნოუზე" ჩატარება თითქმის გამორიცხულია. ლა ლიგამ თამაშის მადრიდში ჩატარების იდეა წამოაყენა, მაგრამ ეს კლუბებმა არ ისურვეს. "ბარსელონაც" და "რეალიც" თამაშის სხვა დროს ჩატარების მომხმრეები არიან. ესპანურ პრესაში გაიჟღერა კონკრეტულმა თარიღმა - 18 დეკემბერი, მაგრამ "ელ კლასიკოს" ამ დღეს ჩატარების წინააღმდეგი ლა ლიგის პრეზიდენტი ხავიერ ტებასია.
გადაწყვეტილება ნამდვილად რთული მისაღებია, მაგრამ დროც არ ითმებს. სწორედ ამიტომ, ესპანეთის ფეხბურთის ფედერაციამ საკითხი დღეს უნდა გადაწყვიტოს.
"ბარსელონასა" და "რეალს" ვთხოვეთ თავიანთი აზრი დღეს დაეფიქსირებინათ. ორივე კლუბის წარმომადგენელი ჩვენთან დღის 12 საათამდე გამოცხადდა. საკითხის განსახილველად და დღეს საღამომდე გადაწყვეტილების მისაღებად საკმარისი დრო გვაქვს." - ციტირებს ლუის რუბიალესის სიტყვებს Mundo Deportivo.
ამ სიახლეზე კომენტარები გათიშულია.
კომენტარები [ 4 ]