სავარაუდო შემადგენლობა "ეიბართან" მატჩის წინ
"ეიბართან" დაპირისპირება ახლოვდება და ერნესტო ვალვერდემ უკვე უნდა ჩამოაყალიბოს სასტარტო შემადგენლობა. "ბარსელონას" თავკაცისთვის ყველაზე პრობლემური, ტრავმისა და დისკვალიფიკაციის გამო, დაცვის ხაზია.
პიკე "ეიბართან" დისკვალიფიკაციის გამო ვერ ითამაშებს, უმტიტი შესაძლოა, გამოჯანმრთელდეს, თუმცა ყველაზე ოპტიმალურ ვარიანტად ლანგლესთან წყვილში ტოდიბო მოიაზრება. ჟუნიორ ფირპომ და ჟორდი ალბამ ტრავმები მოიშუშეს, ამიტომ მარცხენა ფლანგზე ვალვერდეს არჩევანის საშუალება ექნება. მარჯვენა ფლანგზე ორი ალტერნატივაა - სერჟი რობერტო და ნელსონ სემედუ, რომელმაც პორტუგალიის ნაკრებთან სრული 180 წუთი ითამაშა.
სრული დატვირთვით ითამაშეს ეროვნულ ნაკრებებში ფრენკი დე იონგმა და არტურო ვიდალმა, არტურ მელომაც ბრაზილიის შემადგენლობაში ორი შეხვედრა ჩაატარა. Sport-ის აზრით, თავიდანვე ითამაშებს სერხიო ბუსკეტსი, რომელიც ნაკლებად დაღლილია, რადგან სანაკრებო პაუზაზე მხოლოდ ერთი შეხვედრა ჩაატარა.
შეტევის ხაზში სუარესის, გრიზმანისა და მესის ტრიო მოიაზრება, სათადარიგო ვარიანტად კი ანსუ ფატი, რომელსაც 21-წლამდელთან ეროვნულ ნაკრებში დებიუტი ჰქონდა.
ამ სიახლეზე კომენტარები გათიშულია.
კომენტარები [ 3 ]