ფეხბურთის ფედერაცია ადასტურებს, რომ "კლასიკო", შესაძლოა, მადრიდში ჩატარდეს
რამდენიმე წუთის წინ ცნობილი გახდა, რომ ლა ლიგამ ესპანეთის ფეხბურთის ფედერაციისგან "ელ კლასიკოს" ჩატარების ადგილის შეცვლა მოითხოვა. ამის მიზეზი კატალონიაში არსებული არეულობა და უსაფრთხოების გარანტიების არარსებობაა. ლა ლიგას სურს, "ბარსელონასა" და "რეალის" დაპირისპირება, "კამპ ნოუს" ნაცვლად, "სანტიაგო ბერნაბეუზე" ჩატარდეს.
ამ ინფორმაციას ესპანეთის ფეხბურთს ფედერაცია ადასტურებს:
"ესპანეთის ფეხბურთის სამეფო ფედერაციამ ესპანეთის ლა ლიგისგან , "ბარსელონასა" და "რეალის" დაპირისპირების ადგილის შეცვლაზე, მოთხოვნა მიიღო. "ბარსელონასა" და "რეალს" თავიანთი არგუმენტაციის წარმოსადგენად ვადა ორშაბათამდე აქვთ. ამის შემდეგ, ფედერაციის საშეჯიბრო კომიტეტი საკითხზე მსჯელობას დაიწყებს." - ვკითხულობთ ესპანეთის ფეხბურთის ფედერაციის განცხადებაში, რომელსაც As ავრცელებს.
ამ სიახლეზე კომენტარები გათიშულია.
კომენტარები [ 5 ]