16 ოქტომბერი - ლიონელ მესის დღე!
ზუსტად 15 წლის წინ, 2004 წლის 16 ოქტომბერს, ლიონელ მესიმ "ბარსელონას" მაისურით პირველ ოფიციალურ შეხვედრაში მიიღო მონაწილეობა. მას შემდეგ ბევრი რამ მოხდა და გამართლდა ყველა ის იმედი, რომელსაც მესიზე ამყარებდნენ. შეიძლება ითქვას, გადაჭარბებითაც კი. არგენტინელის მიღწევები ინდივიდუალურ თუ საკლუბო დონეზე ფენომენალურია. საინტერესოა, შეძლებს თუ არა ვინმე მსგავსი შედეგების მიღწევას ოდესმე.
სწორედ 16 ოქტომბერს მიიღებს ლიონელ მესი კუთვნილ ჯილდოს, "ოქროს ბუცს", რომელიც მის კარიერაში რიგით მეექსვე იქნება.
დებიუტი
2004 წლის 16 ოქტომბერს ლა ლიგის მე-7 ტურში "ბარსელონა" სტუმრად "ესპანიოლს" ეთამაშებოდა. მატჩის 82-ე წუთზე ფრენკ რიკარდმა გადაწყვიტა, რომ დეკუ ლიონელ მესით შეეცვალა. არგენტინელს 30-ნომრიანი მაისური ეცვა. ეს ცვლილება ისტორიული გამოდგა, ვინაიდან სწორედ აქედან დაიწყო ლიონელ მესის კარიერული წინსვლა. "ბარსელონასა" და არგენტინის ნაკრებთან ერთად მესიმ 36 ტიტული მოიპოვა. ჯამში კი 671 გოლი გაიტანა 823 შეხვედრაში.
მიუხედავად კოლოსალური მიღწევებისა, ლიონელ მესი არაჩვეულებრივ საფეხბურთო კარიერასა და საკუთარი ნიჭის დემონსტრირებას კვლავ განაგრძობს. ეპოქა, სახელად მესი გრძელდება...
ამ სიახლეზე კომენტარები გათიშულია.
კომენტარები [ 4 ]