"ბარსელონა" ნეიმართან მორიგებას არ აპირებს
"ბარსელონასა" და ნეიმარს შორის სასამართლო დავა აქტუალობას არ კარგავს. Mundo Deportivo-ს ცნობით, მხარეებს ვადა 21 სექტემბრამდე აქვთ იმისათვის, რომ სადავო საკითხთან დაკავშირებით თავიანთი პოზიციები დააფიქსირონ.
ნეიმარი "ბარსელონას" 44 მილიონ ევროს ედავება - მისთვის გადაუხდელ ბონუსებს დამატებული პირგასამტეხლო. კატალონიელები კი, კონტრაქტის პირობების შეუსრულებლობის გამო, ნეიმარს მისთვის გადახდილი თანხის ნაწილის დაბრუნებას სთხოვს. საქმე 2017 წელს, ბრაზილიელის "ბარსელონადან" "პარი სენ-ჟერმენში" კატალონიელთა ნების საწინააღმდეგოდ გადასვლა ეხება.
ცოტა ხნის წინ, ნეიმარი ბარსელონაში იმყოფებოდა და "ბლაუგრანას" ხელმძღვანელ პირებთან მოლაპარაკებები აწარმოა. მან კატალონიელებს განუცხადა, თუ რა შემთხვევაში გაიხმობდა სარჩელს უკან, თუმცა უარი მიიღო.
Mundo Deportivo-ს მიერ გავრცელებული ბოლო ცნობებით, ბრაზილიელი ფეხბურთელი ყოფილ კლუბთან მორიგებისთვის ახლაც მზადაა, მაგრამ ამის სურვილი არ აქვს "ბარსელონას", რომელიც დარწმუნებულია, რომ სასამართლოში საქმეს მოიგებს.
ამ სიახლეზე კომენტარები გათიშულია.
კომენტარები [ 4 ]