უსმან დემბელეს აგენტი საცხოვრებლად ბარსელონაში გადავა

"ბარსელონას" ფრანგი შემტევის, უსმან დემბელეს აგენტი, 22 წლის ფეხბურთელის ცხოვრების წესის გასაუმჯობესებლად, საცხოვრებლად კატალონიაში გადავა. ამ ინფორმაციას Marca ავრცელებს.

მადრიდული გმოცემის ცნობით, "ბარსელონას" წარმომადგენლები დემბელეს ცხოვრების წესით კვლავ უკმაყოფილონი არიან. ახალგაზრდა ფრანგი ვარსკვლავი გვიან იძინებს, ვიდეოთამაშებსა და ტელესერიალებს დიდ დროს უთმოს, ვარჯიშებზე აგვიანებს და ზოგჯერ აცდენს კიდეც, გამოირჩევა არასწორი კვებით.

"ბარსელონას" დიეტოლოგებმა დემბელეს სპეციალური დიეტა გამოუწერეს. მიმდინარე სეზონში, კლუბი ვარჯიშებზე ფეხბურთელის ქცევით კმაყოფილია. თუმცა, გადაუჭრელი პრობლემები კვლავ არსებობს. მაგალითად, ფრანგის ტრავმიანობა და ისეთ ინციდენტები, როგორიც "სევილიასთან" მატჩში მოხდა - დემბელემ, არბიტრის შეურაცხყოფის გამო, წითელი ბარათი და დისკვალიფიკაცია მიიღო, რის გამოც ის მოახლოებულ "ელ კლასიკოს" გამოტოვებს.

კლუბის პრეზიდენტს, ჟოზეპ მარია ბართომეუს ფეხბურთელის აგენტთან, მუსა სისოკოსთან საუბარი ჰქონდა. ამ უკანასკნელმა გადაწყვიტა, რომ დემბელესთან მეტი დროის გატარების მიზნით, საცხოვრებლად ბარსელონაში გადავიდეს, რაც უახლოეს კვირებში მოხდება. კლუბში მის ამ ნაბიჯს დადებითად აფასებენ.